Java e ardhshme parashihet të jetë më e ngrohët se kjo javë që po lëmë pas.

Kështu të paktën parashikon Instituti Hidrometeorologjik i Kosovës (IHK), shkruan arbresh.info.

Sipas këtij instituti, të dielën do mbajë mot kryesisht i vranët, me intervale të shkurta me diell.

Mëngjesi sipas IHK-së, ka mundësi të paraqet fenomenin e mjegullës, e cila vjen si rezultat i radiacionit dhe ndryshimeve në fushat termike.

Po ashtu parashihet që të dielën të ketë edhe rritje të temperaturës maksimale.

“Të dielën parashihet të mbajë mot kryesisht i vranët, por edhe me intervale të shkurta me diell. Në mëngjes ka mundësi që në ultësira të paraqitet fenomeni i mjegullës si rezultat i radiacionit dhe ndryshimeve në fushat termike. Vranësirat herët në mëngjes vende-vende mund të sjellin ndonjë rigë të dobët, por pjesa dominuese e ditës do të jetë pa reshje dhe me rritje të lehta të temperaturave maksimale. Minimalet do të lëvizin ndërmjet 7-8 gradë Celsius, ndërsa maksimalet e ditës parashihen të lëvizin ndërmjet 13-15 gradë Celsius. Do të fryjë erë kryesisht nga juglindja e lehtë deri mesatare”.

Java e ardhshme parashihet me rritje të ndjeshme të temperaturave maksimale./arbresh.info/